•·.·°¯`·.·• (حلب الشهباء ) •·.·°¯`·.·•

أهلا وسهلا بك ضيفنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة قوانين وشروط المنتدى. كما يشرفنا أن تقوم بالتسجيل بالضغط على تسجيل إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
•·.·°¯`·.·• (حلب الشهباء ) •·.·°¯`·.·•

مرحباً ممزوجة .. بعطر الورد .. ورائحة البخور وبكل كلمات الترحيب و بكل معاني الفرح ... ها هي الورود تنثر شذاها لتستقبل بكل حب ومودة وبأحلى عبارات الترحيب نرحب بكم ... مرحبا بكم في هذا المنتدى حلب الشهباء والصرح الذي نعتبره حصادنا وحصاد إبداعاتنا ...

    أمثال شعبية حلبية مجموعة الثانية

    شاطر
    avatar
    زهرة النرجس
    عضو برونزى
    عضو برونزى

    انثى الجدي عدد المساهمات : 187
    نقاط : 3332
    السٌّمعَة : 4
    تاريخ التسجيل : 29/05/2010
    العمر : 33

    جديد أمثال شعبية حلبية مجموعة الثانية

    مُساهمة من طرف زهرة النرجس في 10/4/2011, 12:18 am

    [ندعوك للتسجيل في المنتدى أو التعريف بنفسك لمعاينة هذه الصورة]

    241. العميان اجاهن صبي , من كتر التلميس قلعولو عينو ( يقال في سوء الاستخدام )
    242. بدّك العنب ولاّ الناطور
    243. العنزة الجربانة ما بتشرب إلاّ من راس العين
    244. العيب في الجيب والشرف على طرف
    245. العيد الصغير قبل العيد الكبير ( يقال في الولد الصغير إذا تزوج قبل أخيه الكبير )
    246. خلص العيد وقلقو وأجا الشيخ وفلقو
    247. العين ما بتعلى على الحاجب
    248. عينه بتبخش الحجر ( يقال في الحسود )
    249. أول الغضب جنون وآخرته ندامه
    250. كل غنمة معلّقه من كرعوبا
    251. متل اللي مضيع حمارة خالته إن شافها بغني وإن ما شافها بغني ( يقال للذي يقوم بأمر لايهمه كثيراً )
    252. فرحتو ما وصلت لقرعتو ( فرحه قصير )
    253. فقير وأنفو كبير ( أي أنه فقير ومتكبر )
    254. فالج لا تعالج ( يقال في المرء العنيد أو في أمر مستعص )
    255. قتيل بين القتلى ما هو قتيل ( إذا عمت المصيبة هانت )
    256. حط راسك بين الروس وقول يا قطاع الروس
    257. إذا أجا القدر عمي البصر
    258. صاحب القرش ضهرو ماكن
    259. القرعة بتفتخر بشعر بنت اختها
    260. ما صرلك بالقصر غير من عبكره للعصر ( يقال في الحديث النعمة )
    261. قاضي الولاد شنق حالو
    262. تعلم القط على بيت الجيران
    263. متل القط بسبع أرواح
    264. القط بياكل عشاه
    265. الله لايرويك القلة وجور بيت الإحمى
    266. اقعد برا ولا تقعد جنب الجرة
    267. متل قلع الضرس
    268. صار متل القملة المفروكة ( يقال في الذي وِّبخ )
    269. متل القنديل بيحرق حالو وبضوّي على غيرو ( يقال في الذي يضر نفسه في سبيل الناس )
    270. إن ردت تخرب ديارك اشتغل بكار ما هو كارك
    271. عند الكبرة جبة حمرة ( يقال في الكبيرالسن المتصابي )
    272. ما عنده كبير إلاّ الجمل
    273. هلي بكبّر لقمته بغص
    274. كتر الشد بيرخي
    275. الكذب حبلو قصير
    276. كلب ينبح معك ولا ينبح عليك
    277. كل صحن كنافة وجنبه آفة (يضرب للشيء الحسن تحيط به الآفات )
    278. غاوي المكنسه بتصير ست النسه
    279. ماحدا بقول عن دبسه حامض
    280. لسانو بلف على القلعه
    281. لاقي لي ولا تطعميني
    282. الماء أهون موجود وأعز مفقود
    283. فيّ وميّ ووجه حسن
    284. اللي بياخد القرد على ماله بروح المال وبضل القرد على حالو
    285. اللي معو مال بياكل رز بصفيحة واللي ما معو مال بتنشق على الريحه
    286. عشرين مرا عطو عقلهن لجيجة ، ضيّعت القن
    287. المربعينية بتقول : إذا ما عجبكم حالي ببعت لكن خوالي ( المربعينية أيام الأربعين الأولى من الشتاء ، خوالي : السعود الأربعة التي تتبع تلك الأيام )
    288. اللي معو إش بيمنعو
    289. المنيحة مابدها مشوره
    290. النار فاكهة الشتاء
    291. الناس مخباية بتيابها
    292. المنحوس منحوس ولو علق على بابه فانوس إذا شعله بنطفي ، وإن أزله بنوس ( أطال فتيلته )
    293. سمّوك مسحّر خلص رمضان
    294. إنزيل متفرّج واطلع مشتري
    295. نشف ريقه وعمي عن طريقه
    296. كانت النصيحة بجمل ، صارت ببلاش ما بتنقبل
    297. نص الألف خمسميّة
    298. قال لو الأخ ولاّ الصاحب ؟ قال لو : الأنفع
    299. من نمّ إليك نمّ عليك
    300. بياكل وبيشرب ووقت الحاجة بيهرب
    301. بيّض وجهك ، خروب بيتك ( يكلّف نفسه ما فوق طاقته لكي يكرم ضيوفة )
    302. بالوجه خيّه وبالقفى حيّه
    303. ما في ورد بلا شوك
    304. وش وشني وانعشني ولا تعيّط وتطرشني
    305. كأنه عم بياكل من وقف الجامع
    306. واقف جمدان متل عمود سرمدا ( لايقوم بأية حركة أوعمل )
    307. واقف على دقره
    308. بحب الورد وبحب شمّو وبحب الولد كرمال أمه
    309. اليبرق ما أصعب لفّه وما أهون سفّه
    310. حط بَطّال وحط بيت مال
    311. إيده خفيفة وانضيفة
    312. روح اشتكي السرايا إلها سبع بواب
    313. اللي بعاشر النسوان بقل عقله
    314. لا انت طرزان ولا صاحب دكان
    315. منصوم ومنصوم ونفطر على توم
    316. عَزم وانهزم
    317. عقلو جوزتين في خرج (يقال قي القليل العقل )
    318. العين مغرفة الكلام
    319. متل القرد اللي رابطو صاحبه ، بنط نط
    320. لاحني ولحته وحطني تحته ، ولو ما يجي ابن خالي ويخلّصنا كنت روّحته ( لاحني : ضربني )
    321. متل بياع المسك إن ما ربح من قيمته بيربح من ريحته
    322. خود الأرملة واضحك عليها طالع من جيبها وانفق عليها
    323. الله ما بقطع بمطرح إلاّ بوصله بأحسن
    324. المعدن الأصلي ما بصدي
    325. لو كانت بدها تمطر كانت غيّمت
    326. كربوجة بلا ناطف
    327. قاعد على الدشك وعم بطقطق فشك
    328. لا بحبّك ولا بفارقك ابروك قدامي لأخانقك
    329. الكويسة كويسة من فيقة منامها والبشعة بشعة من طلعة حمّامها
    330. الله بغيّر العقول حتى ترزق الفعول
    331. زتها مغمّضة طلعت مفتّحه
    332. الفراغ الكبير بيسع الصغير
    333. في المال ولا في الأبدان
    334. فرجي عذرك ولا تفرجي بخلك
    335. فرخ البط عوّام
    336. كل الغنم ما بتنساق بفرد عصاي
    337. القملة العرجة بتمشي بسبع فرش
    338. اللي ببيعني بسوق الفرو ببيعه بسوق الجوخ
    339. حلبي من فسط حلب
    340. الديك الفصيح على البيضة بصيح
    341. عطس ما فطس
    342. افطار وابطار ولو ضحكتين ،واتغدى واتمدى ولو دقيقتين ، واتعشّى واتمشّى ولو خطوتين
    343. لولا جارتي فقعت مرارتي
    344. مال الزناكيل بتعّب احناك الفقرا
    345. ماربي جسد إلا فني جسد
    346. المعنى بقلب الشاعر
    347. قلبي على ولدي وقلب ولدي على الحجر
    348. ما في أحلى من الولد قبل ما تشوفه العين شافه القلب
    349. اللي إجا وراح كأنه لا إجا ولا راح
    350. الكبر عبر والصغر يا جنون يا بطر
    351. ما بفضح البيت الكبير إلا الكنّة والأجير
    352. لا تعرج قدام المكرسح
    353. شلون ما إجا معك الشاش اشكله
    354. الميت ما بشيل ميت
    355. المشمش رخيص بس شيله غالي
    356. إذا ردت تكذب بعّد شهودك
    357. الكلب اللي بدك اتجرّو على الصيد بيس منو ومن صيدو
    358. كلمة نظيفة أحسن من جريدة وسخة
    359. الجبسة ما بتربى إلا على شرّا
    360. إجا الشتا وأكل المخاليط ولبس الشراطيط
    361. لا تحاكي البطال بساويك شغلته
    362. العمر بيخلص والشغل ما بيخلص
    363. لاتشكر نهارك ليخلص
    364. يا فتاح بابك واشهرو ، يا سكرو واسترو
    365. إذا ضربتو صيبو ، وقول : أكل نصيبو
    366. الخبزه المقمّره ما بتاكلها إلا الصبية المشمره
    367. في سعد الخبايا بيتفتلوا الصبايا
    368. وقت دق التوم كل الصبايا بتقوم
    369. ليجي الصبي منصلي على النبي
    370. لا يغرك صحوة كانون ولا غيمة شباط
    371. لا يغرك الباب بكبر الحلقة يمكن يكون فيه ناس بيستحقوا الصدقة
    372. العملة العاطلة بتمشي على أكبر صراف
    373. الصلاة فيها مجهر وفيها مخفي ( يقال بمناسبة الحث على الكتمان )
    374. اللي بإيده صنعة بملك القلعة
    375. الصنعة إذا ما غنت بتستر
    376. الكرم أكرم من صاحبو
    377. زينة الكار يبيّن على صاحبو
    378. كل إنسان شيطانو بعبو
    379. كل شي بوقته حلو
    380. كل حجره إلها اجره
    381. كل شي مع العافية طيب
    382. شرط الالفة ترك الكلفة
    383. الحمل على الكوم خفيف ( الكوم : القطعة من الإبل )
    384. البزورنا بحل البركة واللي بينجقنا بخفف لبكة







    أقول والبـارق العـاويّ مبتسم والريح معتلة والغيث منسكب

    إذا سقى حلب من مزن غادية أرضاً فخصـت بأوفى قطره حلب

    أرض إذا قلت مَن سكان أربعها أجابك الأشرفان الجود والحسب

    قوم إذا زرتهم أصفـوك ودهم كأنمـا لـك أم منهـم وأب

    [ندعوك للتسجيل في المنتدى أو التعريف بنفسك لمعاينة هذه الصورة]
    avatar
    كارولين
    عضو مشارك
    عضو مشارك

    انثى السمك عدد المساهمات : 59
    نقاط : 3112
    السٌّمعَة : 3
    تاريخ التسجيل : 09/07/2010
    العمر : 37
    الموقع : حلب الشهباء

    جديد رد: أمثال شعبية حلبية مجموعة الثانية

    مُساهمة من طرف كارولين في 11/4/2011, 10:25 am

    . خود الأرملة واضحك عليها طالع من جيبها وانفق عليها
    ااااااااي ما حبتو زهوري هههههههههه
    مرسسسسسسسسسسي الك
    avatar
    loransc
    عضو فضى
    عضو فضى

    عدد المساهمات : 267
    نقاط : 3614
    السٌّمعَة : 4
    تاريخ التسجيل : 20/05/2010

    جديد رد: أمثال شعبية حلبية مجموعة الثانية

    مُساهمة من طرف loransc في 12/4/2011, 11:06 am

    338. اللي ببيعني بسوق الفرو ببيعه بسوق الجوخ
    وانا بقول (الى ببيعني بسوق الذهب ببيعة بسوق الصرامي) Very Happy
    مششششششششششششكور زهر ويعطيكي العافيه







    فما كل من تهواه يهواك قلبــــه ولا كل من صافيته لك قد صفا
    إذا لم يكن صفو الوداد طبيعـــة فلا خير في خل يجيء تكلـفــــا 


    [ندعوك للتسجيل في المنتدى أو التعريف بنفسك لمعاينة هذه الصورة]
    avatar
    جورجينا
    عضو مميز
    عضو مميز

    انثى الجدي عدد المساهمات : 137
    نقاط : 3257
    السٌّمعَة : 0
    تاريخ التسجيل : 13/06/2010
    العمر : 33

    جديد رد: أمثال شعبية حلبية مجموعة الثانية

    مُساهمة من طرف جورجينا في 13/4/2011, 9:42 am

    مرسي زهورتي حبيبتي بجننو
    337. القملة العرجة بتمشي بسبع فرش ههههههههههه







    أشياء في حياتك لا تفعلها

    فقد الثقة ونكث الوعد وتحطيم العلاقات وكسر القلب

    لأنها لا تحدث صوتا ولكنها تحدث الكثير من الألم

    [ندعوك للتسجيل في المنتدى أو التعريف بنفسك لمعاينة هذه الصورة]

      الوقت/التاريخ الآن هو 24/10/2018, 5:37 am